Forcat RENEA, FNSH dhe Shqiponja kanë finalizuar një operacion blic në orët e para të mëngjesit të sotëm në qytetin e Shkodrës dhe kanë arrestuar 14 persona.
Këta të fundit ranë në pranga pasi prej kohësh ushtronin veprimtarinë e paligjshme të dhënies apo marrjes së fajdeve tek qytetarët.
Rreth orës 04:00 të mëngjesit, forcat e policisë nga Tirana kanë zbarkuar në Shkodër për aksionin blic. Në total lista e personave për të cilët policia ka ekzekutuar urdhrat e ndalimit është 16, por ky numër pritet që të rritet.
Aksioni vijon ende në qytetin e Shkodrës, pasi fajdet janë kthyer në një fenomen shqetësues ndaj Policia e Shtetit, pas përgjimeve për afro 2 muaj, ka goditur duke arrestuar disa prej tyre.
Ende nuk dihen emrat e të arrestuarve, ndërsa pritet që në vijim policia të japë detaje rreth operacionit.
