Debati mbi çështjen e gazit dhe krizës energjetike nga e cila rrezikohet edhe Kosova, ka futur nën një debat të ashpër Ramush Haradinaj me Mimoza Kusari-Lila. Në Kuvendin e Kosovës është zhvilluar një debat mes shefes së Grupit Parlamentar të LVV-së, Mimoza Kusari-Lila dhe liderit të AAK-së, Ramush Haradinaj. Kusari-Lila tha se kriza energjetike është e shkaktuar si rrjedhojë e shtrenjtimit të çmimit të gazit në botë. E kjo nuk është vetëm për gazin rus.
“Ramush, aspak unë s’ia futa por ia ke fut ti për debat sot sepse në këtë kërkesë ti ke shkruar që Kosova rrezikon krizë energjetike. Për këtë duhet me u diversifiku për gaz. E sot kriza energjetike është e shkaktuar si rrjedhojë e shtrenjtimit të çmimit të gazit në botë. E kjo nuk është vetëm për gazin rus”, ka thënë ajo.
Pas kësaj, Haradinaj ka kërkuar replikë, duke pyetur; “A e kom përdorë unë fjalën, ia ka futë a? Pernime po ju pys. S’po më kujtohet bre? Deformim të fakteve po, po kqyrne naj kun se a e kam përdor fjalën me të futme”, tha Haradinaj.
Kryeparlamentari Konjufca i ka tërhequr vërejtjen, duke i thënë se “ka sinonime më të sjellshme”.
