Pasi biznesmenët morën vendimin drastik për të mbyllur lokalet, Dritan Leli ka shkuar në Lungomare për të mbajtur një takim me ta. Pronarët e bizneseve në Vlorë janë thirrur në një takim nga kreu i Bashkisë, Dritan Leli.
Takimi me kryebashkiakun e Vlorës, po zhvillohet në një prej bizneseve që ka ndërprerë punën në shenjë proteste për orën policore, dhe fashës orare për lejimin e muzikës. Pak çaste më parë, kryeministri Edi Rama njoftoi se nga dita e nesërme muzika do të lejohet deri në orën 23:00, ndërsa shtoi se ata që duan të bëjnë organizime në natyrë mund të kërcejnë gjithë natën.
Rama thotë se në Lungomare ka një ndotje akustike të tmerrshme, dhe propozon që kushdo që kërkon të kërcejë, mund të dalë në natyrë.
