Kryeministri Edi Rama ka sjellë në fokus debatin, protestën e gazetarëve dhe kërkesën për lirinë e mediave. Rama ka mbajtur fjalën hapëse në Pallatin e Brigadave, aty ku kanë nisur punimet e mbajtjes së Samitit të Tiranës, pjesë e të cilit janë bërë dhe liderët e Ballkanit Perëndimor. Teksa përshëndeti të pranishmit, Rama iu drejtua gazetarëve që ti linin të vijonin punën.
“Përpara se sa të nisim seancën, ju falenderoj shumë që pranuat ftesën në një kohë kaq të shkurtër. Jam i lumtur që t’ju uroj të gjithëve mirëseardhjen në Tiranë. Kjo është një shenjë e qartë e vullnetit tonë, për të marrë një autorësi rajonale të zbatimit të planit të BE-së, ekonomik dhe të investimeve për Ballkanin Perëndimor.
I jam dhe shumë mirënjohës dhe komisionerit që e nisi dhe e promovoi këtë plan të madh si një instrument kyç, që do të na ndihmojë të rimëkëmbeni në një epokë post-pandemike. Të na çojë apo të shkojmë drejt rritjes së qëndrueshme.
Faleminderit dhe do t’i kërkoja me mirësjellje medias që të na lërë të vazhdojmë punën. Si fillim do të doja t’i jepja fjalën komisionerit për të krijuar….”- tha Rama.
Në Tiranë zhvillohet samiti i radhës i liderëve të Ballkanit Perëndimor, ku marrin pjesë kryeministrat e 6 vendeve rajonale. Duke filluar nga ora 10:30, mbërritën një nga një drejtuesit e shteteve, ndërsa samiti i nisi punimet rreth orës 11:10 në Pallatin e Brigadave. Përveç kryeministrave të 6 vendeve rajonale, i pranishëm është edhe eurokomisioneri i BE Verhelyi.