Komisioneri për Zgjerimin në Bashkimin Europian, Oliver Varheliy, ka zhvilluar një takim me kryeministrin Edi Rama, përpara nisjes së Samit të Ballkanit. Varhelyi zbulon se në Samit do të diskutohet për zbatimin e Planit Ekonomik dhe të Investimeve për rajonin e Ballkanit Perëndimor paraqitur nga KE. Në këtë takim është folur dhe për takimin që do të mbahet më 5 korrik, për Procesin e Berlinit.
“Përpara Samitit të Tiranës me drejtuesit e Ballkanit Perëndimor u takova me kryeministrin Edi Rama. Ne do të diskutojmë zbatimin e Planit Ekonomik dhe të Investimeve, të paraqitur për rajonin nga Komisioni Europian, si dhe të shohim përpara në Samitin e Procesit të Berlin me udhëheqësit e rajonit në 5 Korrik”, shkruan komisionieri i BE.
Ahead of Tirana Summit with leaders of #WesternBalkans I met PM @ediramaal today. We will discuss implementation of Economic&Investment Plan, put forward for the region by @EU_Commission, as well as look ahead at #BerlinProcess Summit with the region’s leaders on 5 July. pic.twitter.com/SV0sxjFP4Q
— Oliver Varhelyi (@OliverVarhelyi) June 10, 2021