Kryeministri Rama ka folur sot për mungesën e tij në Kuvend, gjatë vizitës në Tiranë të presidentes në detyrë të Kosovës, Vjosa Osmani.
Rama është treguar mjaft i drejtëpërdrejtë, sa i takon qëndrimit të tij ndaj presidentes së Kosovës, Vjosa Osmani.
Ai tha se Kosova ka probleme me veten. Mjaft i rebeluar, kreu i qeverisë shqiptare deklaroi se Vjosa Osmani erdhi në Tiranë për të bërë propagandë, për të fituar vota në Kosovë.
“Objektivi ynë ka qënë dhe mbetet zero probleme me fqinjët, por nuk do të thotë fshehje të problemeve, por zerim. Përtej kësaj nuk është se kemi probleme. Nuk kemi asnjë problem me Kosovën.
Kosova ka probleme me veten, dhe nëse mund të bëj përkufizim është se prej disa kohësh, polika e brendshme është e jashtme dhe anasjellta.
Është problem që e shoh me shumë shqetësim, dhe e kam adresuar në mënyrë konstante me udhëheqësit dhe publikisht. Një nga shtyllat e politikës së jashtme që ka të bëjë me politikën rajonale është bërë si kalaja e Rozafës, disa e ngrenë ditën dhe disa e shembin natën.
E pakonsiderueshme që një qeveri legjitime të firmosë në Shtëpinë e Bardhë dhe presidentja të bëjë politikë të brendshme me këtë shtyllë të politikës së jashtme. Akoma më grotesk është debati për traun, paraqitet si kufi.
Kjo është të bësh politikë të brendshme me një çështje administrative, dhe të vish në Tiranë të bësh propagandë për të fituar vota në Kosovë. Nuk është kufi, sikundër trau që do të vendoset në Milot-Fier. Nuk është kufi”.