Teksa në Kuvend po mbahet seanca plenare, jashtë Parlamentit opozita e bashkuar proteston, teksa kërkon largimin e Ramës dhe krijimin e një qeverie tranzitore si dhe zgjedhje të parakohshme.
Madje, herë pas here ka pasur edhe përplasje mes protestuesve dhe forcave të Policisë, teksa është tentuar të çahet kordoni.
Por, ndërkohë që opozita proteston, kryeministri Rama nuk ka qëndruar ‘duarkryq’.
Ai ka dalë live në ERTV herë pas here, në lidhje të drejtpërdrejtë me Kuvendin, ku kanë folur deputetë, kryesisht të mazhorancës.
Ashtu si më parë, duket se Rama ka dhënë porosi që sërish parlamenti të vijojë punën normalisht dhe deputetët e ministrat të flasin në foltore, pavarësisht mungesës së opozitës./ Tirana Today
