Publikohen shifrat/ Sa shqiptarë të infektuar kanë hyrë në Greqi që prej 1 korrikut

Zëvendësministri i Mbrojtjes Civile në Greqi, Nikos Haradalias, ka raportuar shifrat e turistëve që kanë rezultuar pozitiv me koronavirus.

Gjatë një konference për mediat, Haradalias deklaroi se që prej datës 1 korrik, kur edhe u hapën kufijtë, janë realizuar mbi 127 mijë testime.

Nga këto kanë rezultuar pozitiv vetëm 295 persona. Numri më i madh i turistëve të infektuar vinin nga Serbia (78), 63 bullgarë, 61 rumunë, 23 shqiptarë dhe 26 nga SHBA.

Sipas zv.ministrit grek, gjatë muajit korrik në Greqi kanë hyrë gjithsej 918,032 persona.