Politikë

“PS nuk guxon të bëjë asnjë hap për të goditur Metën”, ish-deputeti zbulon arsyet

               Publikuar në : 22:12 - 12/06/19 Enno

Ish-deputeti i Partisë Demokratike, Tritan Shehu ka deklaruar se Partia Socialiste nuk guxon që të godasë presidentin Meta, pasi sipas tij do ta detyronte shoqërinë shqiptare të reagonte ashpër ndaj këtij sistemi.

I ftuar në “Rtv Ora”, Shehu u shpreh se shkarkimi i Metës nga socialistët do ta çonte vendin në kushtet e një grushti shteti, ndërsa e cilësoi vendimin për anulimin e zgjedhjeve vendore një akt të guximshëm dhe kushtetues.

“Ajo do ishte realizimi i grushtit të shtetit të plotë. Grushti i shtetit nuk bëhet me tanke në rrugë, por duke kapur në mënyrë antikushtetuese institucionet dhe duke i kthyer këto institucione tek një grup që nuk i takojnë. Kjo është bërë në Shqipëri deri më sot. Rezoluta mu duk një dokument krejtësisht atrofik, një dokument që nuk kishte asgjë. Mu kujtuan ato paralajmërimet kineze 1920-1925 që bënte dikur Kina.  Një dokument që kërkonte të krijonte një tymnajë dhe asgjë reale sepse realisht dhe ata nuk guxojnë të bëjnë një hap të tillë për të goditur Presidentit, sepse ajo do ishte përfundimi i grushtit të shtetit. Do detyronte shoqërinë shqiptare, forca politike të reagonte ndaj këtij regjimi ashtu sic mund të reagohej vetëm pas grushtit të shtetit”, u shpreh Shehu.

Kthehu
WhatsApp Denonco ne TT