E premte, 28 Janar, 2022
2.5 C
Tirana

Provat që do zbardhin “21 Janarin”/Ekspertiza e FBI-së: Vrasjet ishin me dashje

Më 21 janar të vitit 2011, në bulevardin “Dëshmorët e Kombit” u ekzekutuan Faik Myrtaj, Ziver Veizi, Aleks Nika dhe Hekuran Deda. Për dy të parët u dënuan ish-drejtuesit e Gardës së Republikës, ndërsa për dy të fundit nuk ka pasur asnjë të akuzuar. Falë ndihmës së ardhur nga policia, Prokuroria e Tiranës ka hapur dosjen për ekzekutimin e Aleks Nikës dhe Hekuran Dedës.

Vlen të theksohet fakti se rihapja e kësaj dosje, vjen vetëm pak ditë pas shpalljes “non grata” të ish-kryeministrit Berisha nga SHBA-ja. Vrasja e Nikës mbetet më e mistershmja e “21 Janarit”. Fillimisht ai mbeti i plagosur dhe u dërgua në Turqi, ku dhe ndërroi jetë. Nëse zbardhen këto dy vrasje, pritet të ketë zhvillime të forta në drejtësi dhe në politikë.

Ish-prokurori i çështjes Shkëlqim Hajdari, ka dhënë një dëshmi të fortë në emisionin “Real Story” në News24, teksa ka folur për protestën e “21 Janarit”, pas rihapjes së hetimeve nga Prokuroria e Tiranës. Më konkretisht për vrasjen e Aleks Nikës dhe Hekuran Dedës. Shkëlqim Hajdari tha se në ekspertizën e ardhur nga FBI-ja, që kishte të bënte me gëzhojat dhe plumbat, dëshmonte se vrasja ishte me dashje. Sakaq, gazetarja Klodiana Lala shprehu skepticizëm, pasi sipas saj 10 vite mund të zbehin dhe më shumë provat. Gazetari Ferdinand Dervishi tha se është qëlluar drejt turmës kur nuk po sulmohej Kryeministria, dhe se ka pasur të shtëna të shpeshta në drejtim horizontal, jo në ajër.

Hajdari: Në ekspertizën që ka ardhur nga FBI-ja në lidhje me gëzhojat, me plumbat ajo është prova kryesore që kemi përdorur ne. Nëpërmjet ekspertizës ne kemi argumentuar para gjykatës që plumbat e dalë nga dy armët e dy të pandehurve kanë qëlluar mbi viktimat dhe është vrasje me dashje sepse përveçse dy viktimave plumbat të dalë nga këto dy armë janë gjetur dhe fiksuar dhe në lartësinë e trupit të njeriut përballë kryeministrisë.

Në qoftë se një njeri thotë që unë kam vrarë pa dashje se më ka lëvizur arma kjo ka logjikë por në qoftë se unë të vërtetoj me provë shkencore që nuk është vetëm një plumb, por janë 10-12 plumba, që ne i kemi gjetur, atëherë nuk je më nga pakujdesia se njëherë të lëviz dora.

Kjo ka qenë provë shumë e fortë që na erdhi nga Amerika. Rezultati në gjykatë të Apelit ishte dy me një. Tani është drejtësia e re. E kuptoj shqetësimin që ka Klodi si profesioniste që pas 10 vitesh çdo gjë bëhet e vështirë.

Lala: Është çështja e provave, zbehja e provave.

Hajdari: Unë mendoj që duhet të mbështesim hetime të drejta dhe të ndershme. Çdo njeri për 21 janarin e ka të ndërtuar të vërtetën e vet në kokë, detyra e prokurorisë të gjejë prova.

Lala: Ekspertiza e FBI u mor si provë nga Gjykata, por nuk u klasifikua si vrasje me dashje siç e kërkoi prokuroria që kishte sjellë më shumë se sa 2 viktima. Sot prokuroria ka rihapur hetimet për vrasjen e Aleks Nikës. Dhe aty thuhet që predha që ka shkaktuar vdekjen e Aleks Nikës ishte e dëmtuar.

Lexo edhe :   Duka: Nuk kandidoj nëse është paralajmërim! Gazetarja Lala plas "bombën"

Në atë kohë në atë çfarë ka rezultuar në gjykatë, kishte problematika sa i përket dëshmive të gardistëve, e dyta nuk u pyetën shumë persona p.sh. zoti Basha, ishte ministër i Brendshëm. Nuk kam informacion dhe nuk më rezulton të jetë pyetur drejtori i përgjithshëm i policisë së kohës, apo kreu i SHISH apo kryeministri i kohës.

Nuk më rezulton të jetë pyetur shefi i opozitës së kohës, deputetët që ishin në ballë të protestës dhe të plagosurit. Kemi realisht disa të plagosur që nuk iu është marrë dëshmia.

Lexo edhe :   Duka: Nuk kandidoj nëse është paralajmërim! Gazetarja Lala plas "bombën"

Dervishi: Janë dëshmitarë që janë dhe viktima. Fatosin e kam pasur koleg dhe ai e tregonte gjatë e gjatë atë pjesë se si u plagos. Fatosi e ngrinte telefonin dhe e mbante lart kur fliste në telefon. Fatosi thotë fati im që unë nuk u vrava. Ai më ka treguar që në atë moment kërcitën armët dhe unë tentova të hidhesha dhe në momentin që lëviza më kapi në dorë plumbi, e njëjta breshëri një pëllëmbë më tej vrau Hekuran Dedën.

Ambasada amerikane ka protestuar, nuk ka qenë dakord me vendimin dhe ua ka kujtuar shqiptarëve që ne investuam. Ekspertiza e FBI u rrëzua me një frazë të vetme, u vranë pa dashje.

Një provë që nuk u vranë pa dashje ishte, a motivohej qëllimi në ajër në ato momente që askush nuk po e sulmonte Kryeministrinë.

Në momentin që u vranë askush nuk po e sulmonte kryeministrinë. Ka një rregull se kur qëllohet në ajër apo në turmë etj. etj.

Dervishi: Po të kishin qëlluar të gjithë në atë kohë me urdhër do ishin vrarë të gjithë në bulevard. Është qëlluar ulët po, nuk është qëlluar në ajër. Në kangjellat e rrethimit të kryeministrisë ka 13 goditje, përveç atyre që e kanë tejkaluar kangjellat. Janë 13 që ose janë kthyer mbrapsht ose kanë devijuar. Në derën ku u vra ai i pari, Ziver Veizi janë 13 goditje të tjera. Që tregon se ka pasur të shtëna të shpeshta në drejtim horizontal. Në ajër u qëllua një kohë të gjatë.

Hajdari: Ke mbi 10-12 njerëz që janë plagosur dhe nga frika nuk kanë shkuar në spital.

Dervishi: Nga shumë persona që kanë qenë aty, ato plumba që bënë atë gjëmë kanë qenë në një fragment të shkurtër kohor. Dy tre armë kanë qëlluar drejt. Këtu supozohet që mund të jetë dhënë një urdhër nga ata urdhra që thuhet që s’dihet nga vinin. Në momentin që janë vrarë nuk ishte një moment sulmi ndaj kryeministrisë.

- Reklama -

Më shumë nga kategoria




Të fundit

“Non grata”, Berisha: Kam bindjen se SHBA do ta korrigjojë gabimin

Për Berishën, deklarimi “non grata” nga ana e SHBA-së, është i bazuar në shpifje. Në emisonin "Opinion" në Tv Klan, Berisha ka deklaruar se...

“Urdhër nga Rama për të sulmuar FSHF-në”? Veliaj e thotë troç

Kreu i Bashkisë së Tiranës, Erion Veliaj, ka hedhur poshtë në mënyrë kategorike hipotezën nëse me urdhër të Ramës ka sulmuar FSHF-së. I ftuar...

Rama bën parashikimin e ‘frikshëm’: Më 6 mars futet Meta, bashkohet me Berishën

Mbrëmjen e djeshme në emisionin “Open”, kryeministri Edi Rama ka bërë një parashikim për zgjedhjet e pjesshme lokale të 6 marsit. Ai ka thënë...

Reshje dhe borë, si do të ndryshojnë temperaturat nesër

Vendi ynë për ditën e premte pritet të jetë nën ndikim të masave ajrore relativisht të paqëndrueshme. Moti do të nisë me kthjellime dhe...

Tr*toli në banesën e Dukës, avokati i autorit të dyshuar nxjerr faktet

34-vjeçari Arlen Hasanaj nuk e ka pranuar akuzën se ka vendosur tritolin në portën e Armand Dukës. Avokati i tij provon përmes pamjeve filmike,...