Aktualitet

Protestuesit i bëjnë “pritë” Macronit, policia “shpëton” makinën e presidentit


               Publikuar në : 11:18 - 18/01/20 Gentjan Progni

Dhjetëra protestues ishin mbledhur mbrëmjen e të premtes përpara teatrit “Théâtre des Bouffes du Nord”, pasi ishin informuar se brenda saj presidenti francez Emmanuel Macron po shihte një pjesë teatrale “La Mouche”. Ata tentuan të hynë me forcë në brendësi të teatrit.

Sipas mediave franceze, informacioni për praninë e Macron në teatër është dhënë nga gazetarja aktiviste Taha Bouhafs, e cila është ndaluar disa herë nga policia për agjendën e saj antiqeveritare.

Ajo shkroi në Twitter: “Jam ulur tre rreshta pas presidentit. Ka aktivistë diku këtej rrotull, kërkoj nga të gjithë që të vijnë. Diçka po përgatitet …mbrëmja rrezikon të jetë e trazuar”.

Vetëm për punë minutash, përpara teatrit u mblodhën me dhjetëra protestuar. Një dëshmitar  tha se i kishte parë Emmanuel dhe Brigitte Macron të ngriheshin e të ikin, por 10 minuta më vonë, presidenti ishte kthyer vetëm dhe qëndroi deri në fund të shfaqjes.

Me të mbaruar shfaqja, Macron u largua me një makinë të blinduar, i shoqëruar nga policia, ndërhyrja e të cilëve ka qenë decizive për të shmangur ndonjë incident. Sapo makina e presidentit ka dalë jashtë parkingut është rrethuar nga turma e zemëruar.


Kthehu
WhatsApp Denonco ne TT
Këtë e pëlqejnë %d blogues: