Mbështetësit e Partisë Demokratike kanë zhvilluar një marsh-protestë në Shkodër kundër Valdrin Pjetrit. Ata janë shprehur të vendosur se nuk do pranojnë zyrtarë të korruptuar në krye të bashkisë.
Fillimisht kanë protestuar tek prefektura e qytetit dhe më pas kanë nisur marshimin drejt rrugëve kryesore. Raportohet se protestuesit mbajnë në duar parulla me mbishkrime të ndryshme dhe po ashtu kanë bërë njëzëri thirrjen “Rama ik”. Kujtojmë se PD-ja publikoi një ditë më parë dokumente të autoriteteve italiane, të cilat sipas saj faktojnë se Valdrin Pjetri rezulton i dënuar për trafik droge.
