Edhe pse nga mazhoranca deri tani nuk ka pasur asnjë sinjal pozitiv, Basha vijon të këmbënguli me kërkesën e tij për zgjedhje të parakohshme. Për më tepër, dy ditë më parë, kreu i grupit të PS-së Balla tha se zgjedhjet e parakohshme nuk do të ketë dhe se vendi do të shkojë në zgjedhje në 2021.
Edhe njëherë sot, Basha nga Kukësi, i ka bërë thirrje Ramës që të përgatitet për zgjedhje të parakohshme. Madje, ai u premtoi kuksianëve se kur të vijë PD-ja në pushtet do të heqë taksën e rrugës së kombit.
“Rama të çojë vendin në zgjedhje të parakohshme dhe t’i lërë të lirë qytetarët që të zgjedhin. Jo vetëm PD-ja, por e gjithë Shqipëria i ka borxh Kukësit. Është qyteti më i diskriminuar, por është vendi që i jep dritën jeshile, prodhon të gjithë energjinë e Shqipërisë. Asnjë tra, asnjë pengesë nuk do të ketë. Do të keni vetëm lehtësira dhe mundësi, por në fillim duhet të fitojmë betejën që sapo ka nisur.
Mos u largoni drejt Anglisë, atë që do të zbrazë Shqipërisë do ta qërojmë. Nuk do ta lejojmë Shqipërinë që të zbrazet nga ky brez i mrekullueshëm. Edhe çështjen e universitetit do ta kemi në plan, ashtu si dhe në zonat e tjera ku janë mbyllur universitetet”, tha Basha.
Denonco ne TT