Politikë

Politika gjen dakordësinë/ Zeneli: Nëse nuk preket sistemi, pakti flluskë sapuni


               Publikuar në : 21:59 - 14/01/20 M S

Deputeti i opozitës së re Alban Zeneli, ka deklaruar në studion e emisionit “Repolitix” se kërkesat e grupit të tij parlamentar shkojnë përtej rekomandimeve të OSBE-së. Kërkesa e tyre është për ndryshimin e sistemit, pasi për të, ka prodhuar këto kriza. Referuar mbajtjes së tryezës së sotme për Reformën Zgjedhore, ai e cilëson mjaft pozitive bashkëpunimin që ofron opozita.

“Duhet të jenë 84 vota për Kodin Zgjedhor dhe 94 vota për ndryshime kushtetuese. Duhet të kemi një Reformë Zgjedhore të thellë. Aksioni jonë shkon përtej rekomandimeve të OSBE.

Ne kërkojmë ndryshimin e sistemit, sepse ky sistem ka prodhuar këtë lloj krizash. Unë dhe shumë kolegë të mi kemi dalë nga ky sistem. Por ky sistem ka prodhuar këtë lloj krize politike. Nëse kjo tryezë prodhon vetëm ato që po diskuton, është një flluksë sapuni. Unë e shoh pozitive uljen e opozitës në atë tryezë. Por çfarë ndryshoi që u ulën në atë tryezë? Asgjë!”, tha ai.

Reforma Zgjedhore duhet të përmbyllet jo më vonë se data 15 mars e këtij viti. Në këtë konkluzion është arritur gjatë takimit që patën sot përfaqësuesit e mazhorancës dhe opozitës parlamentare. PS përfaqësohej nga Damian Gjiknurin, PD me Oerd Bylykbashin, opozita parlamentare me Rudina Hajdarin dhe LSI me Petrit Vasilin.

 


Kthehu
WhatsApp Denonco ne TT