Ish-deputeti i LSI, Petrit Vasili, ka reaguar lidhur me super grabitjen, duke nënvizuar faktin se jemi në këtë gjendje falë dështimit të shtetit. Vasili citon më tej se këto janë provat e patjetërsueshme se ne nuk kemi shtet e siguri, e po kështu një tjetër dështim vjen edhe nga drejtuesit e policisë.
Pas grabitjes së ndodhur një ditë më parë në aeroportin “Nënë Tereza” në Tiranë, “Austrian Airlines” ka vendosur ndërprerjen e transfertave të parave “cash” nga Tirana drejt Vjenës. Kjo është konfirmuar nga zëdhënësja e kompanisë, Tanja Gruber, e kontaktuar nga mediat ndërkombëtare, që i kanë kushtuar jo pak vëmendje ngjarjes.
Familjarët kanë konfirmuar se grabitësi që mbeti i vrarë dje në Rinas është shtetasi Admir Murataj. Mësohet se vëllai i tij dhe bashkëshortja kanë hyrë në ambjentet e morgut, ku kanë identifikuar trupin e pajetë. Murataj u ekzekutua ditën e djeshme, gjatë shkëmbimit të zjarrit me policinë, pas grabitjes së rreth 10 milionë eurove.
