Moderatorja dhe aktorja e humorit, Rudina Dembacaj, po e kalon karantinën me partnerin e saj Markun, fëmijët, prindërit dhe mbesën e tij.
Dje një lidhje direkte për emisionin “Rudina” , ajo u pyet nga moderatorja nëse i ka ndodhur të bëjë ndonjë sherr me Mark Frrokun gjatë ditëve të karantinës.
Me mjaft sportivitet, Rudina ka treguar se njëherë ka plasur një super sherr për televizorin. Megjithatë aktorja ka shtuar se periudha e karantinës ka ndikuar shumë mirë në marrëdhënien e tyre familjare.
“Plasi një sherr i paparë për televizorin, sepse Marku po shikonte një serial. Unë nuk e kisha ndjekur dot serialin…plasi një super sherr: jo po televizori im, televizori jot. Sikur nuk kemi televizor tjetër në shtëpi. Po për hir të së vërtetës, nuk do na kishte qëlluar që të kalonim kaq shumë kohë së bashku, bashkë dhe me fëmijët dhe na ka ndikuar shumë, shumë mirë. Familja e Markut dhe unë jemi të dyja shumë të përshtatura, kemi të njëjtën gjuhë dhe të njëjtin humor”, ka treguar Rudina.
