Kina jep lajmin e shumëpritur/ Vaksina e parë e koronavirusit mund të jetë gati në shtator

Një zyrtar i lartë kinez ka dhënë një lajm shpresëdhënës, teksa ka njoftuar se vaksina e parë e koronavirusit mund të jetë gati deri në shtator.

Dr Gao Fu, drejtor i përgjithshëm i Qendrës për Parandalimin dhe Kontrollin e Sëmundjeve në Kinë, tha se në pak muaj mund të kemi një vaksinë. Shefi i shëndetësisë shtoi se vaksina do të përdoret për situata emergjente, siç mund të jetë shpërthimi i ndonjë vale të re të virusit.

“Për të zhvilluar një vaksinë ose ilaç specifik, duhet gjithmonë kohë. Për shkak se vaksina do të përdoret për njerëz të shëndetshëm, ju dëshironi të siguroheni që vaksina që po zhvillohet është e sigurt dhe efikase”, ka thënë ai për televizionin shtetëror kinez CGTN.

Kërkuesit po punojnë intesivisht, ndërsa anembanë botës po bëhen përpjekje maksimale. “Deri në shtator mund të kemi një vaksinë që do të përdoret për raste urgjente. Si për shembull, nëse do kemi një shpërthim të ri të virusit”.

Dr Gao shtoi se “vaksina urgjente”, e cila do të ishte në fazën e dytë ose të tretë të provave klinike, mund të përdoret për punonjësit e mjekësisë fillimisht, dhe më pas në popullatë.