Kryetari i Partisë Demokratike, Lulzim Basha thotë se përzgjedhja e kandidatëve nga anëtarësia është një model i vendimarrjes së re.
Teksa kryeministri Rama e ka ironizuar këtë proces, Basha iu përgjigj duke i thënë se nuk bën zgjedhje në PS pasi ka frikë edhe nga vota e socialistëve.
Sipas Bashës, kryeministri mban njerëz si Vangjush Dako dhe Damian Gjiknuri për të vjedhur vota dhe ka frikë t’i lëshojë.
Kryedemokrati u shpreh se PS është kapur nga bandat dhe kriminelët.
Lulzim Basha: ”Janë dy modele të ndryshme. Është modeli i një njeriu që nuk bën zgjedhje në parti dhe as në Shqipëri. Ka tmerr nga zgjedhjet. Nuk do të dëgjojë as zërin e anëtarësisë së tij. Kjo është arsyeja pse hodhi poshtë propozimin tonë me lista të hapura me lrenditje alfabetike. Ai ka tmerr edhe nga vota e spocialistëve. Ai është pakicë edhe brenda socialistëve.
Pasi e ka shtyrë 10 herë asamblenë për të zgjedhur kryesinë, e shtyu edhe një vit kryesinë, për të mbajtur në listë Vangjush Dakon. Po lëshoi Dakon lëshon veten. Votat në Durrës i vodhi Rama përmes Dakos dhe bandave. Votat në Dibër i vodhi Rama përmes Gjiknurit. PS është kthyer në një elitë njerëzish që darkojnë me kriminelë, dhe ndajnë paratë që i janë grabitur popullit. Edhe vetë socialistët vidhen sot, jo vetëm demokratet. Partia Demokratike është e vendosur të ecë në një model të ri.’’
https://www.facebook.com/lulzimbasha.al/videos/1031624633968132/
