Ministrja e Shtetit për Marrëdhëniet me Parlamentin, Elisa Spiropali ka reaguar lidhur me përplasjen Prokurori-Basha lidhur me thirrjen e këtij të fundit për çështjen e lobimeve në SHBA.
Në një postim në Twitter, Spiropali thotë se Basha gënjen sapo del nga dera e prokurorisë pastaj bën Sokratin e përvuajtur, ndërsa i kërkon të përgjigjet.
“Lulzim Basha gënjen si derri i knaqun i Migjenit sapo del nga dera e Prokurorisë. Pastaj kur Prokuroria ia nxjerr në shesh gënjeshtrat, bën Sokratin e përvuejtun si i persekutuar politik. Është koha të përgjigjesh Lulzim. As Derri as Sokrati s’të ndihmojnë dot!”, shkruan Spiropali.
PD reagoi pas deklaratës së Prokurorisë, duke e akuzuar atë se po përdoret politikisht në favor të qeverisë.
