E enjte, 17 Qershor, 2021
15.5 C
Tirana

Përplasja e dhunshme polici-protestues, kush do ta fitojë lojën e nervave?

Në parim, të gjithë shprehen kundër shfaqjeve të dhunës në protestat e opozitës. E megjithatë në çdo rast nuk mungojnë kacafytjet trupore mes protestuesve dhe policisë, të lënduarit nga të dyja palët, kapsollat, gazi lotsjellës, apo uji me presion.

Policia pretendon se në çdo rast ruan qetësinë, deri në momentin kur turma rrezikon të hyjë, në një nga objektet e rëndësisë së veçantë, si kryeministria apo parlamenti. Opozita, thotë se çdo herë provokohet nga policia dhe se aktet e dhunës nga protestuesit, nuk e përligjin përdorimin sipas saj të tepruar të gazit lotsjellës.

Mazhoranca, që në këtë përplasje, ka deri tani mbështetjen e ndërkombëtarëve, është munduar të shmangë provokimet. Në të gjitha protestat e mëdha, Edi Rama ka shmangur praninë e tij në zyrë.

Tetë vite më parë, Berisha veproi ndryshe, dhe rezultati dihet: 4 protestues të vrarë, dhjetëra të plagosur. Ish-kryeministri e cilëson burracakëri strategjinë e Ramës. Ai duket sikur shpreson që Rama të bjerë në të njëjtin kurth, që të sfidojë duke qesëndisur protestuesit nga dritarja e zyrës së tij, që këta të fundit të tentojnë të mësyjnë brenda, dhe që në përplasje e sipër, të ketë largqoftë ndonjë viktimë nga protestuesit.

Atëherë, krimi i 21 janarit do të barazohej. Situata do të tensionohej në maksimum, dhe opozita mund të shihte erën të kthehej në favorin e saj. Për momentin, Rama ka arritur të ruajë gjakftohtësinë, ndonëse ndaj Ministri i tij i Brendshëm, Sandër Lleshaj, është vënë në shënjestër nga opozita dhe disa analistë, si mizor dhe gjakatar.

Në situatën aktuale, është logjike që shumica të ruajë të njëjtën qasje. Ndërkohë, nuk dihet se ku mund ta çojë dëshpërimi treshen Berisha-Basha-Kryemadhi./ Tirana Today

Lexo edhe :   “Je me shqetësime mendore”, si trajtohet qytetarja kur bën kallëzim në polici
- Reklama -

Më shumë nga kategoria




Të fundit

Reporterët pa Kufij: Rusia po i vret mediat e pavarura

Reporterët pa Kufij paralajmëruan për “zhdukjen graduale” të mediave të pavarura në Rusi dhe i kërkuan presidentit Vladimir Putin që të shfuqizojë të ashtuquajturin...

Italia ”shkërmoq” Zvicrën dhe kalon në raudin tjetër të ”Euro 2020”

Përfundon ndeshja e Grupit C. Italia ka mundur me rezultatin e pastër 3-0, Zvicrën dhe është kualifikuar në raundin tjetër të “EURO 2020”. Ndeshja u...

Irani synon blerjen e satelitëve rusë

Njoftimet se Irani po kërkon të blejë një sistem satelitor rus të avancuar nuk janë "veçanërisht shqetësuese" për sigurinë e trupave amerikane në rajon,...

Padia e Metës për Teatrin Kombëtar, Kushtetuesja tërhiqet për të marrë vendimin

Ka përfunduar pas 12 orësh, seanca në Gjykatën Kushtetuese për çështjen e shembjes së Teatrit Kombëtar, e cila filloi mëngjesin e sotëm rreth orës...

“Mos përdor gjuhën e Bashës”/ Spiropali debat me Abilekajn për 25 prillin

Ministrja e Shtetit për Marrëdhëniet me Parlamentin dhe gazetari Enton Abilekaj, janë përfshirë në një debat mbrëmjen e sotme. Të ftuar në emisionin ''Open''...