Përmbytet Vlora, qytetarët bllokohen brenda banesave (Foto)

Reshjet e dendura të shiut të ditëve të fundit, kanë shkaktuar përmbytje të mëdha në disa nga qytetet e vendit.

Siç shihet në fotot e mëposhtme, qyteti i Vlorës është përmbytur i tëri, ndërkohë që janë bllokuar nga uji dhe makinat. Madje, uji ka hyrë deri në katet e para të shtëpive duke bllokuar dhe qytetarët.

Reshjet e rëna gjatë 24 orëve të fundit kanë bërë që niveli i lumit Vjosë të rritet mbi 6.3 metra mbi nivelin e detit. Si pasojë e rritjes së nivelit të ujit, Vjosa ka dalë nga shtrati i saj duke përmbytur një pjesë të pazarit pranë urës së Mifolit në Vlorë, megjithatë nuk parashikohet që të shkaktojë probleme të tjera.

Lumi Drin dhe Ishëm kanë dalë nga shtrati ndërsa Osum po ashtu rrezikon nga shirat e dendur që kanë rënë gjatë natës e që vazhdojnë të bien.