Mbështetësit e ish-kryeministrit Sali Berisha ndodhen jashtë oborrit të Kuvendit, ku pritet të presin liderin historik të PD pas përjashtimit nga grupi parlamentar.
Mbështetësit janë përplasur edhe me disa nga efektivët e Policisë së Shtetit, që kanë kërkuar ti largojnë. “Ik moj andej”, iu drejtua një prej efektivëve njërës prej gazetareve të terrenit, që ishte duke filmuar pamjet e mbështetësve para Parlamentit.
Një incident ka ndodhur edhe me kryedemokratin Basha. Teksa po dilte nga selia e PD për t’iu drejtuar Kuvendit, Lulzim Bashës i kanë dalë përpara një grup militantësh demokratë duke i kërkuar llogari lidhur me vendimin për përjashtimin e Berishës.
Disa prej tyre kanë lëshuar fyerje të rënda ndaj Bashës, i cili vijoi rrugën bashkë me deputetët e tjerë për në Kuvend.
