Sot maturantët do të testohen për Gjuhe shqipe dhe Letërsinë. Rreth 34 mijë maturantë do t’i nënshtrohen sot provimit të dytë për Gjuhe shqipe dhe Letërsi. Provimi nis në orën 10:00 dhe përfundon në 12:30. Të gjithë maturantët pa përjashtim do të duhet të zbatojnë rregullat anti-Covid. Në një klase do të jenë 10-15 maturantë.
Nëse maturanti ditën e provimit do të jetë i infektuar me koronavirus, nuk do të futet në provim, por do të ketë mundësi që ta japë në sezonin e vjeshtës. Sikundër ka ndodhur edhe në vitet e shkuara, maturanti nuk mund të mbajë telefon me vete. Nëse konstatohet me telefon, do të përjashtohet nga provimi.
Ditën e provimit duhet të kenë me vete mjetin identifikues. Mbikëqyrja bëhet me përfaqësues të MASR, përgjegjës administrimi.
