Shpërthimi i fuqishëm dhe pothuajse i menjëhershëm i koronavirusit në Itali ka bërë që edhe shtetet tjera të mobilizohen edhe më shumë.
Menjëherë pas rasteve të para të koronavirusit në Itali, Rumania bëri me dije se çdo shtetas që do vinte nga ky shtet do izolohej në karantinë për 14 ditë. Po të njëjtin vendim ka marrë edhe Britania e Madhe sot, duke e cilësuar si një masë paraprake për të frenuar përhapjen e koronavirusit.
Të gjithë ata që mbërrijnë nga Veriu i Italisë (Pisa, Firenze dhe Rimini), edhe për ata që kanë ‘simptoma të lehta’ do të ketë një ‘vetëizolim’ prej 14 ditësh.
Ky vendim drastik do të jetë i detyrueshëm edhe për ata që s’kanë asnjë simptomë, për të njëjtën periudhë karantinë, edhe për të gjithë ata që vijnë nga Lombardia dhe Veneto, të izoluar me vendim të qeverisë italiane.
