Politikë

Përhapën panik për një tërmet 6 ballë, reagon Balla: Mund të dënohen deri në 5 vite burg


               Publikuar në : 08:16 - 23/09/19 Enno

Lidhur me lajmin e rremë që alarmoi kryesisht qytetarët në Tiranë dhe Durrës, ka reaguar edhe kreu i grupit parlamentar në Partinë Socialiste, Taulant Balla. Në momentin që u njoftuan nga disa portale se vendi mund të goditet nga një tërmet i fuqishëm, mijëra qytetarë dolën menjëherë nga shtëpia dhe vrapuan në rrugë e sheshe.

Përmes një postimi në “Twitter”, Balla thekson se parashikimi i tërmeteve është i pamundur, ndërsa shtoi që përhapja e njoftimeve të rreme e synimin për të shkaktuar panik, dënohet deri në 5 vite burgim.

“Parashikimi i tërmetit është i pamundur. Përhapja e njoftimeve të qëllimshme, të rreme për të shkaktuar panik, është vepër penale dhe dënohet deri në 5 vite burgim!”, shkruan Balla duke bashkëngjitur edhe postimin e agjencisë me të madhe sizmologjike që bën thirrje për qetësi, pasi lajmet për parashikime tërmetesh janë të rreme.

Kthehu
WhatsApp Denonco ne TT