Bota

Shoferi humb kontrollin e autobusit, dyshohet për 26 të vdekur


               Publikuar në : 08:50 - 23/09/19 Enno

Një aksident me pasoja fatale ka ndodhur në një rajon malor në pjesën veriperëndimore të Pakistanit. Sipas mediave vendase, raportohet për 26 persona të vdekur dhe 12 të plagosur.

Zëdhënësi i policisë në qytezën Diamer, deklaroi se aksidenti besohet të ketë ndodhur pasi shoferi i autobusit e ka humbur kontrollin e mjetit. Ndërkohë, hidhen dyshime se autobusit nuk i kanë punuar frenat, ndërsa disa të tjerë mendojnë se shoferin e ka zënë gjumi gjatë udhëtimit.

Rajoni i Gilgit-Baltistanit është vend malor, me rrugë të ngushta, të cilat janë të hapura për qarkullim vetëm nga muaji maj deri në tetor, ndërsa bllokohen nga bora e madhe gjatë dimrit të gjatë.

Kthehu
WhatsApp Denonco ne TT