E diel, 17 Janar, 2021
5 C
Tirana

Përfundon mbledhja e Këshillit Politik/ Rama: I qëndrojmë marrëveshjes së 5 qershorit

Pas më shumë se 5 orësh, ka përfunduar mbledhja e Këshillit Politik.

Ndryshe nga herët e tjera, i pranishëm në këtë mbledhje ishte edhe kryeministri Edi Rama. Sipas BalkanWeb, Rama ka ritheksuar se i qëndron marrëveshjes së 5 qershorit dhe se e vetmja gjë që kërkohet është diskutimi i listave të hapura.

“I qëndrojmë marrëveshjes së 5 qershorit. Marrëveshja duhet miratuar, për t’u miratuar duhen votat në Kuvend që ne si mazhorancë nuk i kemi. Në bisedimet me opozitën parlamentare kemi dakordësuar per hapjen e listave. Ajo çka kërkojmë është hajdeni ulemi dhe me sa me shume dakordësi të reflektojmë në këtë sanksionim të hapjes së listave që vjen nga ndryshimi i Kushtetutës. Ne nuk ndryshojmë as sistem, as zona zgjedhore. E vetmja gjë është që po hapim listat. Edhe për hapjen e listave hajdeni ulemi nëse keni ndonjë mendim se si të garantojmë kuotën gjinore sa më mirë.

Nuk ndalojmë koalicionet por formë grupimi që të mundësojë hapjen e listave dhe të mos ndërlikojë administrimin. Pra nuk ju ndalon njeri të bëni aleancat tuaja. Korrektimi në Kod i përket vetëm pjesës së hapjes së listave dhe nuk cenon përmbajtjen e dokumentit. Por në një koalicion siç i bën gjithë Evropa dhe jo si modeli ynë i deritanishëm që se ka askush”, ka thënë Rama.

Ndërkohë, rasporohet se sekretari i Përgjithshëm i PD-së, Gazment Bardhi, ka qenë i prerë sa i takon rishikimit të marrëveshjes së 5 qershorit të dakordësuar mes palëve, me ndërmjetësimin e ndërkombëtarëve.

“Kuptuam nga diskutimi i Kryetarit të Partisë Socialiste që qëllimi është të rihapim edhe njëherë diskutimin për përmbajtjen e marrëveshjes së 5 qershorit dhe të bëjnë ndryshime të saj. Drafti i marrëveshjes së 5 qershorit është produkt i një pune të përbashkët 6 mujore, është miratuar dhe nënshkruar me konsensusin e të gjitha palëve, me mbështetjen e partnerëve ndërkombëtarë. Ne i qëndrojmë firmës sonë dhe deklarojmë që nuk mund të rishikohet apo rishkruhet asnjë fjalë ndryshe nga ajo që palët kanë dakordësuar dhe nënshkruar bashkërisht. Çështjet që ju shtruat bien në kundërshtim dhe ndryshojnë marrëveshjen e 5 qershorit dhe prishin dakordësinë që ne kemi arritur aty. (nenet 19 dhe 36 të draftit të nënshtruar në zbatim të marrëveshjes së 5 Qershorit)”, citohet të ketë thënë Bardhi.

Lexo edhe :   Rama: 369 mjekë dhe infermierë janë vaksinuar kundër koronavirusit
Lexo edhe :   Rama debaton me Gjekmarkajn: Sot llafazanët mbahen për analistë

Pas rreth 3 orësh mbledhja është ndërprerë, pasi Rama ka kërkuar 10 minuta pushim. Ai ka thënë se janë tre palë në tryezë duke iu referuar opozitës parlamentare që përfaqësohet nga Myslim Murrizi dhe Rudina Hajdari.

“Jemi gjithmonë 3 pole jo dy, është edhe opozita parlamentare. Pse jeni kundër hapjes së listave?”, mësohet të ketë thënë Rama.

 

- Reklama -

Më shumë nga kategoria




Të fundit

Beteja e humbur e Lulzim Bashës me kauzën e varfërisë

Nga: Alfred Peza Nëse historia e demokracive te vjetra e të reja, ka patur ndonjëherë ndonjëherë një rast tipik kur një lider politik e ka...

Covid-19/ Kina ndërton spitalin me 1,500 shtretër për vetëm 5 ditë (Foto)

Kina ka përfunduar ndërtimin e një spitali me 1,500 dhoma për pacientët me Covid-19 ,për të luftuar një rritje të infektimeve, për të cilat...

Pandemia/ Austria vazhdon izolimin deri më 7 shkurt

Austria e ka zgjatur masën e izolimit deri më 7 shkurt, teksa autoritetet shprehen të alarmuar për rritje të rasteve për shkak të varianteve...

Rindërtimi dhe pandemia/ FMN: Qeveria duhet të ketë plane rezervë

Intervistë me shefen e misionit të FMN-së për Shqipërinë, Yan Sun Në rast të një pandemie më të rëndë, autoritetet do të duhet të ndërmarrin...

Milan humb yjet, dy lojtarët e rëndësishëm me Covid-19

Milani njofton se Hakan Çakhanoglu dhe Teo Hernandez kanë rezultuar pozitiv me koronavirus.  Një lajm  i keq ky për kuqezinjtë, që duhet të bëjnë...