Ish-kryeministri Sali Berisha do të mbajë “foltoren” e radhës sot në Fier. Pas takimit me dhjetëra militantë të PD-së pak ditë më parë në Tiranë, Berisha ka njoftuar se takimin e radhës më demokratët do ta zhvillojë në Fier, ku thotë se takimi do të zhvillohet për një PD më të bashkuar, më të fortë e më të hapur.
“Njoftim!
Diten e marte me daten 21 shtator 2021 do te mbahet ne Fier ora 18:00 tek Albanian University (UFO): “Foltorja per nje Parti Demokratike me te bashkuar, me te forte, me te hapur”. Ftoj demokratet dhe demokratët e Fierit te marrin pjese! Vetem te bashkuar fitojme! Sb”, njofton Berisha.
Pas përjashtimit nga grupi parlamentar i PD-së, ish-kryeministri është hedhur në aksion, duke paralajmëruar një referendum me 1500 firma të Kuvendit Kombëtar.
Mbledhja e 1500 firmave e anëtarëve të Kuvendit Kombëtar, janë ‘shpëtimi’ i Berishës për të nisur një referendum me të cilin shpreson të anulojë përjashtimin e tij, por edhe për të larguar Bashën nga drejtimi i PD-së. Berisha u përjashtua nga grupi parlamentar i Partisë Demokratike, pas presionit që SHBA-të ushtruan mbi kryetarin Lulzim Basha. /Tirana Today
