Të gjithë studentët dhe pedagogët që duan të futen në auditore me nisjen e vitit të ri, duhet të jenë të vaksinuar. Këtë paralajmërim e ka dhënë kryeministri Rama, ndërsa njofton më tej se dyert e universiteteve janë hapur për vaksinimin e pedagogëve e studentëve, si një garanci më shumë. Kjo edhe për një ecuri sa më të mirë të vitit të ri akademik që është në prag.
Statusi
MIRËMËNGJES
dhe duke ju kujtuar se për të hyrë në auditor vaksinimi është i detyrueshëm, si edhe duke ju njoftuar se tanimë dyert e universiteteve janë hapur për vaksinimin e pedagogëve e studentëve, si një garanci më shumë, për një ecuri sa më të mirë të vitit të ri akademik që është në prag, ju uroj një javë të mbarë.
11 tetori shënon edhe fillimin e vitit të ri akademik. Edhe Ministrja e Arsimit ka apeluar ndaj studentëve dhe pedagogëve që këtë muaj ta shfrytëzojnë për vaksinimin anti-COVID, me qëllim rikthimin sa më parë të normalitetit dhe jetës akademike në auditorët e universiteteve.
