Të shtunën me fillim në orën 18:00 opozita e bashkuar ashtu si ka paralajmëruar ditë më parë do të zhvillojë protestën e radhës para Kryeministrisë. Kryedemokrati Lulzim Basha me anë të një video të postuar në rrjetin social Facebook, u bën thirrje edhe njëherë shqiptarëve që t’i bashkohen tubimit.
“Të shtunën, në orën 18:00, të gjithë në Tiranë! Për standarde të vërteta, për mirëqenie për çdo shqiptar, për shtëpinë tonë, për fëmijët tanë, PËR SHQIPËRINË SI GJITHË EUROPA!”, shkruan kreu i PD-së.
Ndërsa në video-mesazhin thuhet: Shqipëria është në rrezik, qeveria është bërë një me krimin, votat vidhen me banditë, të bashkohemi, t’i japim dorën njëri-tjetrit, për mirëqenien për shtëpinë tonë, për fëmijët tanë, për Shqipërinë si gjithë Europa.
Për protestën e nesërme, e cila pritet të fillojë në orën 18”00, do të angazhohen rreth 1300 forca policie, shumica prej të cilëve do që qëndrojnë para Kryeministrisë.
