PD ka treguar një format flete votimi, ku kandidatët për deputetë do të shënohen me numra dhe jo emra. Ish-deputeti i Partisë Demokratike, Oerd Bylykbashi, tha se ky është shembulli i sistemit në Kosovë. Pra sipas PD-së, emrat e kandidatëve duhet të jetë të publikuar më parë, ndërsa në fletën e votimit të jenë me numra.
Sipas tij, partitë do jenë të grupuara në koalicione dhe në të djathtë të fletës do jenë dhe numrat e kandidatëve për deputetë, listë që duhet të bëhet publike më herët, që të jetë e njohur për qytetarët.
“Fleta e votimit me koalicione nuk është libër i trashë, siç thotë Edi Rama. Do të vazhdojë të jetë e thjeshtë.
Më poshtë një shembull i fletës së votimit me lista të hapura, dhe koalicione parazgjedhore. Shembulli tregon që nuk ka asnjë pengesë për zbatimin e listave të hapura 100% dhe koalicioneve parazgjedhore”, tha Bylykbashi nga selia blu.
