Ish-kryetari i Bashkisë së Durrësit, Vangjush Dako është thirrur për herë të dytë në Prokurorinë e Krimeve të Rënda për të dëshmuar lidhur me dosjen “339”, teksa del në përgjime me pjesëtarë të një bande kriminale të njohur në Shijak.
Mësohet se Dako do të paraqitet në shtator tek Krimet e Rënda për t’u pyetur për herë të dytë. Ky vendim, vjen pak ditë pas refuzimit të vizës nga Shtetet e Bashkuara të Amerikës për të dhe familjen e tij.
Kujtojmë se ditën e djeshme zv.ndihmës Sekretar i Shtetit për Çështjet e Evropës dhe Euroazisë, Mattheë Palmer deklaroi se SHBA ka pasur dëshmi të forta në lidhje me aktivitetet e korrupsionit nga ana e ish kryebashkiakut të Durrësit.
Dako, u pyet për herë të parë më 18 maj, nga dy prokurorët Vladimir Mara dhe Dritan Prençi, ku u mor për 5 orë në pyetje.
