Pas dy orë diskutimesh në lidhje me përballimin e situatës së koronavirusit në vend, ka përfunduar mbledhja e Këshillit të Sigurisë Kombëtare
Kryeministri Edi Rama, kryetari i opozitës, Lulzim Basha dhe presidenti Ilir Meta kanë diskutuar online përmes një komunikimi të përbashkët me video.
Kjo pasi takimi fizik u anulua për të parandaluar përhapjen e ndonjë infektimi të mundshëm me koronavirus.
Mbledhja ishte paracaktuar që të fillonte në orën 12:00, megjithatë kryeministri Rama shpërndau foto rreth një orë më pas
Ende nuk dihet ekzaktësisht se çfarë është diskutuar në këtë mbledhje. Kjo mbledhje ka ardhur pas situatës së rëndë me të cilën po përballet vendi që pas shpërthimit të koronavirusit.
Deri më tani janë raportuar 146 raste me Covid-19 në Shqipëri.