Për shkak të situatës së Covid-19, Turqia ka marrë masa të rrepta kufizuese për udhëtarët që futen në këtë shtet.
Ambasada turke ka bërë të ditur ditën e sotme, se nisur nga 28 dhjetori do të bëhet e detyrueshme pajisja me një test negativ për të gjithë shqiptarët që udhëtojnë me avion, i cili duhet të jetë kryer brenda 72 orësh.
Ndërkohë, i njëjti vendim vlen edhe për personat që shkojnë në Turqi në rrugë tokësore, por masat për ta do të nisin më 30 dhjetor.
Udhëtarët që nuk janë pajisur me përgjigjen e testit, do të karantinohen për 7 ditë dhe më pas do t’i nënshtrohen tamponimit. Ambasada ka njoftuar se këto masa janë të vlefshme deri më 1 mars 2021.
