E enjte, 17 Qershor, 2021
18.5 C
Tirana

Pandemia ka shkaktuar presion psikologjik tek gazetarët

Raportimi mbi pandeminë e koronavirusit ka shkaktuar ankth dhe depresion tek gazetarët sipas rezultateve të një studimi mbi gjendjen aktuale të mirëqenies emocionale të gazetarëve.

Studimi tregon se raportimi i lajmeve për Covid-19, ka shkaktuar te gazetarët stres, ankth dhe depresion, madje kjo ka ndodhur edhe me gazetarët me përvojë të gjatë pune.

Studimi përfshiu 73 gazetarë të cilët u pyetën rreth punës së tyre dhe gjendjes emocionale. Anketa me gazetarët u zhvillua në qershor 2020, periudhë ku pothuajse të gjitha vendet u prekën nga Covid-19.

Të gjithë gazetarët e marrë në pyetje kanë punuar me histori që lidhen direkt me pandeminë.

Rezultatet paraprake të studimit tregojnë se rreth 70% e gazetarëve vuajnë nga disa nivele shqetësimesh psikologjike, konkretisht 26% kanë ankth klinik i shoqëruar me simptoma shqetësimi, pagjumësie, lodhje dhe përqendrim i dobët.

Rreth 11% të gazetarëve të pyetur shfaqën simptomat e stresit post-traumatik që përfshin kujtime të një ngjarjeje traumatike të lidhur me Covid-19, ndjenjë faji, frikë, tmerr, turp, zemërim etj.

Rezultatet paraprake të këtij studimi tregojnë se gazetarët punojnë në një presion shumë të lartë në mënyrë që mediat dhe të tjerët të dinë si t’i përgjigjen problemeve që ne kemi identifikuar.

Vetëm 4 përqind e të anketuarve ishin gazetarë të specializuar për shëndetin, por tani 74 përqind kanë deklaruar se raportojnë për çështje që lidhen me pandeminë.

Në shumë vende gazetarët thonë se kanë frikë se nuk janë në gjendje të bëjnë punën e tyre si duhet, në mungesë të një informacioni të besueshëm. Një i anketuar deklaroi: “Jam më i stresuar sepse nuk jam në gjendje ta mbuloj përhapjen e koronavirusit në vendin tim siç kanë bërë vendet e tjera në perëndim”.

Lexo edhe :   Pandemia/ Manastirliu tregon qarkun e parë në vend pa asnjë rast aktiv me Co*id

Modelet e punës gjithashtu kanë ndryshuar. Gjashtëdhjetë përqind raportojnë se punojnë orë më të tej zgjatura që nga pandemia.

Lexo edhe :   REL: Shqipëria, Serbia, Maqedonia e Veriut, së shpejti të sigurta nga Covid-19

Mosha mesatare e të anketuarve është 41 vjeç. 55 përqind kanë fëmijë dhe 58 përqind janë gra.

Analizat paraprake sugjerojnë se shqetësimi psikologjik lidhet ndjeshëm me mungesën e këshillimit, kështu që ata gazetarë që nuk morën këshillim që nga fillimi i pandemisë vuajnë më tepër pasojat psikologjike.

“Këto janë rezultatet paraprake dhe puna vazhdon. Arsyet dhe zgjidhjet e mundshme do të diskutohen në analizat e mëvonshme dhe në botimet vijuese”, thonë studiuesit, shkruan “abcnews.al”.

- Reklama -

Më shumë nga kategoria




Të fundit

Reporterët pa Kufij: Rusia po i vret mediat e pavarura

Reporterët pa Kufij paralajmëruan për “zhdukjen graduale” të mediave të pavarura në Rusi dhe i kërkuan presidentit Vladimir Putin që të shfuqizojë të ashtuquajturin...

Italia ”shkërmoq” Zvicrën dhe kalon në raudin tjetër të ”Euro 2020”

Përfundon ndeshja e Grupit C. Italia ka mundur me rezultatin e pastër 3-0, Zvicrën dhe është kualifikuar në raundin tjetër të “EURO 2020”. Ndeshja u...

Irani synon blerjen e satelitëve rusë

Njoftimet se Irani po kërkon të blejë një sistem satelitor rus të avancuar nuk janë "veçanërisht shqetësuese" për sigurinë e trupave amerikane në rajon,...

Padia e Metës për Teatrin Kombëtar, Kushtetuesja tërhiqet për të marrë vendimin

Ka përfunduar pas 12 orësh, seanca në Gjykatën Kushtetuese për çështjen e shembjes së Teatrit Kombëtar, e cila filloi mëngjesin e sotëm rreth orës...

“Mos përdor gjuhën e Bashës”/ Spiropali debat me Abilekajn për 25 prillin

Ministrja e Shtetit për Marrëdhëniet me Parlamentin dhe gazetari Enton Abilekaj, janë përfshirë në një debat mbrëmjen e sotme. Të ftuar në emisionin ''Open''...