Një ditë më parë, Policia e Sarandës arrestoi pronarin e lokalit Mihal Kokëdhima, 51 vjeç, pasi akuzohet për ‘kanosje’, “dëmtime të tjera me dashje’ dhe ‘shkatërrim prone’.
Kokëdhima sulmoi grupin e turistëve spanjollë, që kishin shkuar në lokalin e tij. Nga pamjet e rënda duket se ai me dhunë shkatërron xhamin e furgonit. Ai hipi mbi kofano dhe godiste me grushta xhamin e përparmë për gati 3 km, skenë kjo që u filmua nga turistët e tmerruar. Turistëve nuk u kishte pëlqyer shërbimi në lokalin e tij, ndaj Kokëdhima u është vërsulur në një akt të paprecedentë.
Brenda në makinë ndodhej familja e turistëve spanjollë, 5 anëtarë, shoferi dhe shoqëruesi shqiptar. Nga videoja duket që turistët janë tepër të frikësuar. Nga Porto Palermo ata nisen drejt rajonit të policisë në Sarandë.
Makina vijon të jetë në ecje, ndërsa 51 vjeçari mbi kofano vijon të godasë xhamin dhe e thyen.
Personi qe shihni ne foto është Mihal Kokëdhima.
Ne video duket se gjithçka ndodhi në 3 km rrugë, ku Kokëdhima i hipur mbi makinë, thyen xhamin, teksa gjakoset edhe vetë dhe zgjat dorën të kapë pasagjerët brenda.
