Kronikë

“Të gjithë nxënësit e mi, janë bërë shefat e mi sot”, gazetarja rrëfen luftën e Baxhakut me sëmundjen

               Publikuar në : 13:56 - 17/08/19 M. S

Ndarja e parakohshme e gazetarit Fatos Baxhaku ka prekur të gjithë kolegët. Gazetarja Klodiana Kapo ka ndarë me miqtë në Facebook telefonatën e fundit me të, ku plot me kurajo besonte se do të mposhte sëmundjen e rëndë, e cila e kishte prekur prej disa muajsh.

Me një mesazh prekës, ajo sjell në kujtesë të gjithë miqtë që ai la pas, e që do e kujtojnë gjithmonë. Klodiana thotë se miqtë janë të rrallë, e ndërsa i ndjeri ka aq shumë, pa kërkuar asgjë në këmbim.

“Prit Tos!

Më the se po bëheshe më mirë: “Ja sa të mbyllet gushti, e në shtator jam krejt për punë”.
Ҫ’ishte ky lajm qe na dhe mor Tos! Na le pa frymë…!
“Janë shumë raste Klod, shkenca ka ecur, do ja hedh dhe unë,,,mos u mërzit”
Por JO! Zoti bëri një shaka të hidhur e të mori kaq shpejt.

Është e vështirë të të thuash lamtumirë Tos!

Zoti e di sa do mungosh, Tos! Kurrë s’doje të mërzisje kënd! Kurrë s’u ankove! Kurrë s’ngarkove apo shkele mbi dikë! As kur dhimbja të merrte gjumin, ti prapë nuk u ankove.

“Familja, Klod, kjo është pjesa më e rëndësishme në jetë. Gezojuni me aq mundësi sa keni!”
Tos, sot ti ikën, e do i mungosh aq shumë familjes tënde, Borës, Kejdës, Turit, Tanit, Arbës dhe
Brikenës, që me dashuri e thërrisje “motra e madhe”.

Ti, njeriu me shpirt të lirë, rebel, me mendje të bukur e zemër të madhe, do na mungosh ne, miqve, Enos, Tanit, Mondit, Gertës, Rezit, Ildës, Landi, Titit, Lirës, Xhixhit. Oh sa shumë jemi Tos!
Sot miqtë janë të rrallë, por ti ke kaq shumë… se gjatë gjithë jetës tënde vetëm dhe … pa kërkuar asgjë në këmbim.
Sa herë qeshje, e më thoje: “E sheh? Të gjithë nxënësit e mi janë bërë shefat e mi sot”.

Por askush s’e ka penën, mprehtësine dhe zemrën tënde. Atë zemër, qe në fund na tradhtoi të gjithëve.

Lamturmirë Tos!”, shkruan ajo.

Kthehu
WhatsApp Denonco ne TT