Politikë

Paloka: Vendi ka nevojë për qeveri tranzitore, pa Ramën kryeministër


               Publikuar në : 21:27 - 13/02/20 M D

Ish-deputeti i PD-së Edi Paloka ishte i ftuar mbrëmjen e sotme në emisionin “Real Story” në “News 24”, prej ku deklaroi se vendi ka nevojë për qeveri tranzitore, pa Ramën kryeministër.

Paloka theksoi se opozita e bashkuar nuk bën asnjë lloj marrëveshje me Edi Ramën.

“Ne themi kaq kohë që duhet qeveri tranzitore. Kërkohet një qeveri, për 100 ditë, që të menaxhojë zgjedhjet. Kjo qeveri në radhë të parë ka parasysh që Rama të mos jetë kryeministër. Edi Rama ka treguar se është njeriu që nuk lejon zgjedhje të lira e të ndershme në këtë vend.

Qeveria tranzitore synon që të sigurojë një klimë, ku të shmangen situatat e krimit zgjedhor. Qeveria tranzitore ka si detyrë që të lejojë zgjedhje të lira e të ndershme.

Nga ne askush nuk pretendon të bëjë marrëveshje dhe nuk pritet ‘luajitet’ nga ai. Mënyra si do zgjidhen pastaj njerëzit, kërkohen persona me integritet”, tha Paloka.


Kthehu
WhatsApp Denonco ne TT