Kryesore

Haradinaj bën deklaratën e fortë për Kurtin: Ka një zor të madh


               Publikuar në : 21:48 - 13/02/20 M D

Ish-kryeministri i Kosovës Ramush Haradinaj ka bërë një deklaratë të fortë publikisht për kryeministrin Albin Kurti.

Lidhur me deklaratat e Kurtit për heqjen e taksës së Kosovës ndaj mallrave serbe, Haradinaj ka pohuar se kryeministri aktual i Kosovës “ka një zor të madh që po i merr këto veprime”.

“Kurti është i njëjti njeri që ka rrëzuar kamionë. Ai ka ndonjë zor të madh që po merr këtë veprim.

Kurti do të mbahet përgjegjës që po e kthen Kosovën në një proces që e ka kaluar Kosova e për të cilin e kishte akuzuar zotin Thaçi. Ata [Lista Serbe] janë po të njëjtit siç kanë qenë edhe kur ishin në qeveri bashkë me ne.

Kurti nuk ka nevojë të frikësohet pasi edhe ai, edhe unë, jemi të zgjedhur të popullit, por ai duhet t’i dijë limitet ç’ka lejohet, e ç’ka jo. Ai ka premtuar edhe njohjen nga Serbia e shumë gjëra tjera, por më mirë është të thyejë premtimin për taksën. Largimi i taksës është kërkesë e Serbisë.

Nuk ka logjikë që ai ta largojë nëse nuk është peng i diçkaje që ne nuk e dimë. Ai duhet ta tregojë problemin para popullit”, tha Haradinaj.


Kthehu
WhatsApp Denonco ne TT