Reagimi i shpejtë nuk është shenjë paniku, por shenjë mençurie! Nëse ne të gjithë i mbajmë këto masa, do të mbrojmë Shqipërinë nga përhapja e Covid-19. Ky është apeli që vjen nga Ministria e Shëndetësisë, nga kryeministri Rama e jo vetëm. Kryeministri Rama ka publikuar një video, ku janë shpërndarë ndihma në familjet në nevojë, ndërsa ripërsëritet apeli për të qëndruar të izoluar, të mbrojnë veten e familjarët.
Ministrja e Mbrojtjes, Olta Xhaçka, ka qenë e pranishme në Thumanë, ndërsa u ka kërkuar qytetarëve që të evitojnë ambientet publike. “Kujdes në këtë periudhë, lani duart. Mundohuni mos të keni kontakt. Do bëjmë çmos që ketë situatë ta kalojmë bashkë! Evitoni kontaktet me njerëzit sa më shumë”, ishte kërkesa e Xhaçkës, ndërsa trokiti në derën e një familje, ku dhe i ka dhënë pakon me ndihma. Ky operacion humanitar është shpërndarë në të gjithë Shqipërinë.
Statusi
? INFORMACION NGA OPERACIONI HUMANITAR QE DO TË VAZHDOJË ME PËRKUSHTIM DHE DURIM ÇDO DITË, DERI NË MBARIMIN E LUFTËS
?NUK DO TË LEMË ASNJË DERË PA TROKITUR, POR NUMRI I DYERVE ËSHTË SHUMËFISH MË I LARTË SE SA NUMRI I NJERËZVE QË PO KRYEJNË OPERACIONIN!
? PRANDAJ JU LUTEM TË BËJNË DURIM TË GJITHË ATYRE MË NË NEVOJË, SEPSE DO TË VIJMË TEK TË GJITHË JU?
ISHP publikoi sot shifrat e reja të të prekurve me koronavirus në Shqipëri. Mësohet se gjatë 24 orëve të fundit janë shënuar pesë raste të reja, duke e çuar numrin e të prekurve në 64.
