Arkimed Lushaj, i njohur si Stresi, mori vëmendjen në protestën e qytetarëve përpara Ministrisë së Brendshme, pas vrasjes së 25-vjeçarit Klodian Rasha nga efektivi i FNSH-së. “Nuk ikim nga ky shesh pa marrë drejtësi për Klodianin, unë nuk p***dh për këtë polici të fëlliqur,” ka thënë Stresi.
Qytetarët u mblodhën për të kërkuar drejtësi pas vrasjes së 25-vjeçarit Klodian Rasha, nga efektivi i Shqiponjave Nevaldo Hajdaraj.
Nga ana tjetër, policia hodhi gaz lotsjellës dhe me ujë nga autobotet u përpoqën të shpërndanin turmën, teksa erdhën edhe arrestimet e para.
Një detaj i veçantë nga protestat që janë zhvilluar këto ditë në Tiranë, është thirrja që i ka bërë këngëtari Arkimed Lushaj (Stresi) presidentit Meta për ndihmë nga sheshi i protestës. “O Ilir Meta, o president ku je…ku je o Ilir Meta”, dëgjohet të thotë Stresi. “A do e çosh popullin, ku je…jemi këtu për Klodianin. Nuk dorëzohemi”, shton ai.
