Analisti dhe botuesi Henri Çili, në një prononcim për mediat ka folur për herë të parë pas arrestimit. “Unë nuk përbëj rrezik, mund të isha ndjekur në gjendje të lirë”, tha Çili, duke iu referuar vendimit të caktuar nga ana e gjykatës.
Teksa shprehu pakënaqësinë mbi mënyrën se si u trajtua, ai i mëshoi fort faktit se akuzat nuk kanë asnjë lidhje me të si botues.
Ai sqaroi situatën ku u ndalua dhe më pas u lirua nga gjykata, në një operacion të iniciuar nga Prokuroria dhe Policia e Përmetit. Henri Çili e ka quajtur ndalimin e tij një shkelje shumë të rëndë proceduriale.
“Unë personalisht e ata s’kishim pasur asnjë precedentë penalë në jetën tonë. Unë s’kisha asnjë rrezikshmëri për t’u larguar, apo për të kryer një krim tjetër, as për të prishur provat. Një mosthirrje normale, por ndalimi e më pas arrestimi ishte i pajustifikuar në rrethanat kur një person ndalohet e njihet me akuzën.
Gjykata e Përmetit e normalizoi disi situatën, por do kishte qenë më mirë hetim në gjendje të lirë, se s’kam asnjë lloj rrezikshmërie.
Do sqaroj edhe akuzat një për një për një çështje që ndër mijëra çështjet që ka Policia e Shtetit, kjo shkaktoi kaq bujë”.
