Politikë

Nuk firmosi dokumentin për ‘zgjedhoren’, Rudina Hajdari tregon arsyen pse


               Publikuar në : 15:35 - 14/01/20 B H

Edhe pse ishte pjesë e tryezës për reformën zgjedhore, deputetja Rudina Hajdari nuk ka pranuar të firmosë dokumentin që u nënshkrua mes palëve.

Në një prononcim për News24, Hajdari pohoi se është dakord me përmbajtjen e dokumentit, por që i duhet më shumë kohë për ta analizuar atë. Ajo shton se duhet të konsultohet edhe me kolegët e saj në Parlament përpara se të marrë një vendim.

“Parimisht jam dakord me përmbajtjen e dokumentit në fjalë, që u diskutua sot në mbledhjen e zhvilluar. Kam kërkuar që të ketë një qartësi më të madhe sa i përket angazhimit që ky Këshill do të ketë në lidhje me diskutimin për ndryshimin e sistemit zgjedhor, siç dhe e përmban objekti i Komisionit për Reformën Zgjedhore.

Gjithashtu, duke qenë se u njoha sot me përmbajtjen e këtij dokumenti, më duhet të marr pak kohë të konsultohem dhe me kolegët e mi në Parlament në lidhje me dokumentin në fjalë.
Si përfundim, ajo çka është më e rëndësishme është fakti që takimi i zhvilluar bëhet në kuadër të dialogut për të garantuar një konsensus të gjerë dhe sa më transparent për procesin e Reformës Zgjedhore”, tha ajo.


Kthehu
WhatsApp Denonco ne TT