Neurokirurgu Nicola Acciari paralajmëron se gjendja e Michael Schumacher është përkeqësuar që nga koha e aksidentit.
Në një prononcim për ‘Diokro Uno’, ai tha se Schumacer nuk është më ashtu siç ne mund ta mbajmë mend nga garat e “Formula 1”.
“Ne duhet të imagjinojmë një person shumë të ndryshëm nga ai që e mbajmë mend, me një strukturë organike, muskulore dhe skeletore shumë të ndryshuar dhe të përkeqësuar. Të gjitha vijnë si rezultat i traumës së trurit që pësoi”, është shprehur ai.
Legjenda e F1 u rrëzua dhe goditi kokën, ndërsa po bënte ski në Alpet Franceze në dhjetor 2013. Të dhënat mbi gjendjen e tij kanë qenë të pakta vitet e fundit dhe Schumacher mbahet nën kujdes në rezidencën e tij në Liqenin e Gjenevës.
Schumacher mban rekordin e të gjitha kohërave për titujt e fituar në F1, por jo edhe për shumë kohë pasi ekziston mundësia që Leëis Hamilton mund ta thyejë këtë vit nëse fiton për herë të 7-të.
