E martë, 21 Shtator, 2021
26 C
Tirana

Nuk është betejë për të shpëtuar opozitën, por qytetarët

 Nga Mero Baze

Këmbëngulja për të bërë betejë politike kundër qeverisë dhe masave të jashtëzakonshme të saj, për të bllokuar epideminë, është një vendim i dëshpëruar i disa zyrtarëve të opozitës.

Epidemia është një betejë ku në fund të saj, të fituar janë ata që shpëtojnë. Ajo është një betejë e cila do të ketë të vdekur, të sëmurë rëndë, të falimentuar, të vuajtur, dhe mbi të gjitha të terrorizuar.

Kjo është një luftë që nuk zgjedh qeverinë, nuk zgjedh opozitën, nuk përzgjedh qytetarët, por përballohet nga të gjithë bashkë, si ushtarë. Heronjtë e kësaj lufte janë mjekët, infermierët dhe policët. Ata janë dhe komandantët e saj.

Këmbëngulja e opozitës për të bërë politikë me këtë situatë, shpërthimet aluçinante, të disa prej tyre, dhe Taskë Forcat alternative që bëjnë sikur merren me epideminë, por në fakt merren me qeverinë, do të jenë një kosto për ta, në fund të kësaj beteje.

Nuk jam ende i qartë përse vazhdon zelli i opozitës për të qenë pjesë e frontit opozitar kundër masave të qeverisë, por me sa duket, shija e hidhur që u la beteja për tërmetin, ku ata konsiderojnë se qeveria doli me popullaritet më të rritur, pasi përballoi betejën, mund të jetë një arsye. Por në fakt kjo duhet të jetë arsye për të heshtur, pasi mund t’ju përsëritet kjo disfatë.

Ky nuk është tërmet. Kjo nuk prek disa njerëz, të cilët ti i identifikon brenda dy ditësh. Kjo është një betejë e panjohur për të gjithë dhe e vetmja rrugë të dalësh i fituar është të bëhesh pjesë e një komande, e cila drejtohet nga mjekët dhe zyrtarët e shtetit, që e kanë detyrë të rrinë në terren.

Lexo edhe :   Pse berishizmi, është enverizimi i ri shqiptar

Kur beteja të mbarojë, kur virusi të ketë ikur dhe ne do të jemi duke numëruar njerëzit e dashur që mund të mos i kemi më mes nesh, askush nuk do të kujtojë Sali Berishën, Petrit Vasilin, Lulzim Bashën, etj., që mendojnë se janë duke bërë politikë, por do falenderojnë Zotin që janë gjallë.

Rruga më e mirë që opozita të mos bëhet e urryer në këtë histori, është të sillet si gjithë qytetarët e tjerë, të mbyllet në shtëpi, të vetëkarantinohet, dhe të mos u ngrejë nervat qytetarëve duke i terrorizuar.

Edi Rama e ka detyrim, por dhe dënim, të merret me këtë krizë. Ai natyrisht që do të bëjë gjithçka që dhe të qetësojë situatën dhe të informojë qytetarët dhe të ashpërsojë masat, edhe të na detyrojë të rrimë brenda, edhe t’i mbyllë gojën shtypit apo politikanëve që përhapin panik. Kryeministri nuk është zgjedhur si kryeministër i epidemisë, dhe mos i kërkoni që në këtë situatë lufte, ai të jetë kampion i të drejtave të njeriut. Ai dhe gjithë qeveria, kanë detyrim të sigurojnë maksimalisht vetëm të drejtën për jetën. Të drejtat e tjera, prisni kur të mbarojë epidemia.

Lexo edhe :   Pse berishizmi, është enverizimi i ri shqiptar

Ndaj çdo përpjekje për t’i bërë karshillëk masave të qeverisë, dhe akoma më keq opozitë alternative për çdo masë që merr qeveria, vetëm sa e rreshton opozitën në anën e të humburve nga kjo betejë. Jo të atyre që fatkeqësisht mund të humbasin jetën, por atyre që kanë humbur të drejtën për të mbrojtur jetën e qytetarëve.

- Reklama -

Më shumë nga kategoria




Të fundit

Putin porositi vrasjen e ish agjentit të KGB-së? Hetimet nxjerrin të vërtetën

Gjykata Evropiane për të Drejtat e Njeriut, ka gjetur se Rusia ishte përgjegjëse për vrasjen e Aleksandër Litvinenkos. Litvinenko, një ish-spiun rus i cili...

Masa e targave, si akt fuqie i gjithanshëm

Nga: Mentor Nazarko Fillimi i jetësimit nga Kosova të një mase reciprociteti vendosja e targave të përkohshme kosovare për automjetet me targa serbe, është një...

Intelektualja serbe: Kosova është e pavarur, s’di pse bëhet problem për targat

Pas vendimit të qeverisë së Prishtinës për të vendosur reciprocitetin për targat e automjeteve serbe që hyjnë në territorin e Kosovës, janë ngritur një...

Kanada/Trudeau qëndron në pushtet, por liberalët nuk arrijnë shumicën

Partia Liberale e Justin Trudeau ka fituar ngushtë zgjedhjet në Kanada, por nuk arriti të sigurojë shumicën. Kjo është fitorja e tretë në zgjedhjet federale...

Holandë/Në tualet duket të përdorësh kod që tregon se je vaksinuar

Që të shkosh në një tualet në Holandë, duket të përdorësh kod që vërteton se je i vaksinuar, negativ ose i shëruar nga Covid....