Kryeministri Edi Rama ka folur sërish lidhur me akuzat e bëra më herët sot nga kreu i PD-së, Lulzim Basha.
Në deklaratën e sotme për media, Basha tha se Rama i ka dërguar ndërmjetës që ta bëjë atë kryeministër dhe vetë kreu i PS-së të bëhet president i vendit. Sipas Bashës, në këmbim të kësaj oferte, Rama kërkoi që të hiqen koalicionet parazgjedhore.
Në një prononcim për edicionin qendror të lajmeve në Top Channel, Rama tha se ishte i keqardhur që politika bie në nivele të tilla.
“Kjo është e pavërtetë sepse e para unë nuk e shoh kështu politikën. E dyta, unë nuk kam mundësi ta bëj një gjë të tillë dhe e trete pikërisht se unë besoj që populli është më i mençur se unë, mendoj që i duhet lënë popullit të zgjedhë edhe deputetët, edhe se kush është kryeministri i radhës. Me keqardhje e them që Lulzim Basha duhet të mbajë në këtë rast anën e duhur të historisë së sotme dhe të nesërme dhe të jetë në anën e popullit dhe jo në barrikadën nga ku arrihet në pikën derisa tregohen barceleta të tilla”, tha ai.
Rama sqaroi se heqja e koalicioneve parazgjedhore nuk bëhet për të marrë ai një bonus në zgjedhjet e radhës, duke minimizuar fuqinë e koalicionit opozitar.
“Ideja që Edi Rama po e bën këtë sepse ka një interes të vetin është një ide që mund të funksionojë për propagandë, por nuk ka lidhje me realitetin”, shtoi
