Një tjetër pacient që ishte shtruar në spitalin Infektiv ka humbur jetën nga koronavirusi.
Ministria e Shëndetësisë sqaron se bëhet fjalë për një 70-vjeçare nga Durrësi, e cila vuante nga një formë e rëndë e leukozës.
“Në 24 orët e fundit një 70-vjeçare nga Durrësi ka ndërruar jetë në spitalin infektiv, megjithë mjekimin intensiv dhe përkujdesin e mjekëve. 70-vjeçarja e prekur nga Covid-19, vuante nga një formë e rëndë e leukozës. Ministria e Shëndetësisë i shpreh ngushëllime familjes së të ndjerës”, thuhet në njoftim.
Kështu shkon në 43 numri i personave që kanë humbur jetën nga koronavirusi në Shqipëri. Përkatësisht: 23 nga qarku i Tiranës, 9 nga Durrësi, 4 nga Fieri, 5 nga Shkodra, 1 nga Vlora dhe 1 nga Kukësi.
