Një këngë për dhimbjen e Miriamit, pas 10 vitesh Albani rrëfen historinë

Alban Skënderaj ka publikuar këngën “Plagë në gjysmëshpirt”, një këngë për dhimbjen e bashkëshortes së tij, Miriam Cani.

Kënga është shkruar pikërisht 10 vite më parë, kur Miriami humbi të ëmën, ndërsa këngëtari rrëfehet se dhimbje kaq të thella nuk ka nevojë të ndahen me publikun por duhen mbajtur për vete. Kjo duket të jetë edhe arsyeja përse kënga nuk është publikuar deri më sot, ndërsa dy vite më parë Albani ka humbur nënën e tij, ndjesi të cilën e gjen të pasqyruar në këto vargje.

“Na mungojnë çdo ditë dhe sado koha të kalojë, këto plagë nuk do mbyllen kurrë plotësisht. Ne nuk jemi aspak të veçantë, nuk kemi imunitet nga dhimbja, jemi njerëz si të gjithë dhe sipas nesh, misioni më i madh i një artisti është të shkruajë këngë që sado pak i bëjnë njerëzit të mos ndihen vetëm, si në gëzimin, ashtu edhe në dhimbjen e tyre. Ndaj vendosëm këtë këngë dhe këto ndjenja t’i ndajmë me ju”, përfundon rrëfimin këngëtari, duke treguar arsyen përse vendosën publikimin e kësaj këngë.

 

View this post on Instagram

 

Duhet te pranoj se ky dimer ka qene i ftohte si ne zemer ashtu dhe ne frymezim per mua. Duke ardhur pravera e duke celur lulet e para rritet dhe deshira per jeten e per te krijuar muzike me energji pozitive por para se te nis kete kapitull te ri kam ende nje kenge qe dua te ndaj me ju. E kam shkruar SAKTESISHT para 10 vitesh edhe pse ka qene gjithmone me shume e Miriamit se sa e imja si kenge. E kam shkruar menjehere mbasi nena e saj e dashur u largua papritur dhe teper e re nga kjo bote. Une hodha ne vargje e muzike dhimbjen e Miriamit dhe pse perjetimi ishte i forte edhe per mua. Nenen e saj e kujtoj si nje njeri te jashtezakonshem qe kujtdo i dhuronte vetem buzeqeshje dhe miresi. Miriami nuk ka mundur dot asnjehere ta kendoje per shkak te emocioneve por c’eshte e verteta te dy, ndoshta gabimisht, kemi menduar qe dhimbje te tilla kaq te thella dhe personale nuk ka nevoje te ndahen me publikun por duhen mbajtur per vete dhe me vete. U bene gati 2 vite qe une kam humbur nenen time tashme dhe ne momente te veshtira, kur nuk kam mundur dot te gjej asnje pergjigje, me shume se kurre ndjenjat e mia jane pasqyruar ne keto vargje. Na mungojne cdo dite dhe sado koha te kaloje keto plage nuk do mbyllet kurre plotesisht. Ne nuk jemi aspak te vecante, nuk kemi imunitet nga dhimbja, jemi njerez si te gjithe dhe sipas nesh, misioni me i madh i nje artisti eshte te shkruaj kenge qe sado pak i bejne njerezit te mos ndihen vetem, si ne gezimin ashtu edhe ne dhimbjen e tyre. Ndaj vendosem kete kenge dhe keto ndjenja ti ndajme me ju. #PlagNeGjysmeShpirt

A post shared by Alban Skenderaj (@albanskenderaj) on Mar 17, 2019 at 1:26pm PDT