Efektivi me inicialet N.H., i cili qëlloi për vdekje Klodjan Rashën, është marrë në pyetje nga grupi hetimor. Në dëshminë e tij, ai është shprehur se ka dashur ta pyesë 25-vjeçarin për arsyen e daljes në atë orar, por sipas tij, i riu e ka kërcënuar dhe është larguar me vrap. Polici pretendon se ka qëlluar në drejtim të të riut, për faktin se ai e kërcënonte për ta vrarë.
Këtu Prokuroria ka dyshimet e saj, ndërsa po vijon hetimet. “Kemi synuar me kolegun tim që ta ndalonim personin, për ta pyetur se pse kishte dalë nga banesa”, mësohet të ketë thënë polici.
25-vjeçari u dërgua i gjallë në spital, ku më pas humbi jetën.
