Nga Shkodra, zv/kryeministri Erion Braçe tha se do të futen në zgjedhje, dhe pse opozita e kundërshton qeverinë, duke e cilësuar normale këtë sjellje. Po kështu, Braçe ka risjellë në fokus edhe mesazhet e ndërkombëtarëve, por edhe zërat për blerje votash në këtë qytet.
Ai ka ironizuar kryetaren e Bashkisë së Shkodrës, Voltana Ademi, e ndërsa premtoi se puna nuk do të ndalet, për të ndryshuar imazhin e Shkodrës.
“Jam ketu ashtu siç e kemi thene, per te inspektuar drejtorite rajonale. Kam ardhur qe ne 8 te mengjesit, dhe i kam gjetur ne pune ne shumicen e drejtorive ku isha prezent. Ajo qe me shqeteson eshte vendet bosh qe jane ne disa institucione te ndryshme, te cilat duhet te plotesohem nga te rinjte, dhe per kete nuk i duhet askujt tesera e partise.
Kete here ne Shkoder, ne oren 8 te mengjesit kazanet e mbeturinave ishin te pastruar por afer bibliotekes gjeta qente endacak, dhe mesa duket ne Shkoder per kryebashkiaken edhe qente lexojne. Patjeter qe kemi kandidatet per Shkodren, per zgjedhjet vendore dhe ju siguroj se Partia Socialiste ka nje projekt te madh per ta ndryshuar komplet imazhin e ketij qyteti.
Me vjen keq per menyren si eshte ndertuar Shkodra, edhe per ndertimet dhe jo thjeshte per mbeturinat qe nese s’jane ne kazane, jane ne shume vende te tjera qe nuk jane pastruar, dhe per kete Bashkia Shkoder ka marre shume gjoba nga institucionet.
Sa i perket zgjedhjeve, patjeter qe do te futemi ne zgjedhje dhe eshte normale qe opozita te kundershtoje qeverine. Kushdo qe te jete opozita, ne do futemi ne zgjedhje.
Sinjali dhe mesazhet e nderkombetareve jane te qarte, duke thene se Parlamenti eshte legjitim, zgjedhjet kane qene legjitime dhe do jene legjitime. Z. Palmer, zevendes ndihmes i sekretarit amerikan te shtetit qe eshte ne Tirane, eshte nje nga ata qe ka lobuar fuqishem per perparimin e Shqiperise dhe proceset ne te cilat ndodhemi.
Kujtoni ju se une nuk kam sinjale per blerje votash ne Shkoder. Edhe ne Shkoder ka patur blerje pafund votash, por na keni degjuar ndonjehere te kontestojme kryebashkiaken Ademi, asnjehere perderisa zgjedhjet jane çertifikuar si legjitime. Do vazhdojme te punojme fort ne çdo qytet, per te ndryshuar imazhin, edhe ne Shkoder”.
